Ôi 11/5, Kruanh Quốc hội Trần Thanh Mẫn ƀư tơm rơh hop tâl 2, Uỷ ban thường vụ Quốc hội khoá 16.  Rơh hop tâl 2, Quốc hội khóa 16 nchrăp ƀư tâm bơi 30 nar. Lah ta rnôk ntơm pơk rơh hop, Kruanh Quốc hội Trần Thanh Mẫn an gĭt, ta rơh hop dja ƀư n’glôch jêh Rơh hop bôk năp n’hanh an nău rgop bôk năp mpeh nău nchrăp Rơh hop tâl bar bah Quốc hội khóa XVI.

Kruanh Quốc hội dăn đă ân uănh năl sŏng dăng tâm ăp nău hŏ ƀư dơi, nău mô hŏ dơi n’hanh ntrŏng kloh ăp nkô̆ ân rgâl ntơm bah Rơh hop tâl bar, mô lâp tay nô nău njuăl mbrơi hồ sơ, khoah tâm rơh hop Bôk năp mhe aơ. Kruanh Quốc hội đă ăp nhih pah kan rblang dăn, nhih pah kan tơm nchih rgum rhuăt luh nău tă ơm gĭt kan, ƀư kloh nău dơn kan; Rnâng kan Hội đồng Dân tộc, ăp Ủy ban, Văn phòng Quốc hội kan nsum, ntrŭt ntrôl, tĭng groi nđôi grêt dăch rnoh ngăch, năn mbơh Ủy ban Thường vụ Quốc hội.