Di nkah gĭt 79 năm nar Quốc khánh, măng (27/8), ta Ngih mprơ têh, Hà Nội, Kruanh Quốc hội Trần Thanh Mẫn lĕ râ râng Bôk nău ƀư nghệ thuật têh “Nắng Ba Đình”. Đah ăp nău mprơ hăn ndrel năm khay, Bôk nău ƀư lĕ ndơ̆ nuĭh uănh rêh tay ăp nar têh dăng nĕ; nkah gĭt n’hâm soan têh kuăng bah Kruanh Hồ Chí Minh kơt ăp rơh nuĭh Việt Nam lĕ janh dăng roh mât njrăng trong đăp mpăn, dah rŏng bah rnoi nuĭh, uĕh lăng bah Nuĭh ƀon lan.

Tă bah ăp nău mprơ ơm, rnôk têh dăng, rnôk rngot njê êng, Mpôl rdâk ƀư bôk nău kan nghệ thuật têh “Nắng Ba Đình” mpŏng mbra rdâk ntô̆ n’hao rnoi nuĭh, rŏng ƀon tơm, neh dak, nău nsing nơm đah du nău rêh rêh rgŏ năp hun hao têh dăng bah Neh dak Việt Nam.