Đảng ủy nhih pah kan Văn phòng Quốc hội mhe ƀư Lễ ntăm an Huy hiệu 65 năm, 40 năm n’hanh 30 năm năm đảng an ăp Đảng viên tâm Đảng bộ nhih pah kan. Ta rơh lễ, Bí thư Đảng đoàn Quốc hội, Kruanh Quốc hội Trần Thanh Mẫn hŏ ntăm Huy hiệu 65 năm đảng an Kruanh Quốc hội ơm Nguyễn Văn An.

Lah ta rơh lễ, Kruanh Quốc hội Trần Thanh Mẫn lah rjăp, tâm rnôk rdâk njêng n’hanh hun hao neh dak, Đảng hŏ rđău đă cách mạng Việt Nam rlău dơi ăp jêr jŏt, ntul rlong, geh âk nău dơi khlay; Quốc hội Việt Nam ăp năm aơ geh âk rgâl mhe, nău kan nar lơn ma geh nău tam, nău nsĭt geh, dơi cử tri n’hanh ƀon lan nchih nkah n’hanh rnê âk. Rgop tâm nău dơi nsum nê, geh nău rgop bah ăp rơh kơn cán bộ, đảng viên, bah Đảng bộ Nhih pah kan Văn phòng Quốc hội, lơn lah ăp nău dơi têh  kuâng bah Kruanh Quốc hội ơm Nguyễn Văn An tâm rơh rdâk njêng n’hanh mât njrăng neh dak; an tay âk nău tă ơm gĭt blău khlay gay kơt nti kơl an Quốc hội ăp năm kan bah kơi nđơn, ntik n’hao tay.