VOV4.M'nông: Kêng măng 19/5, ta Jay Quốc hội, Kruanh Quốc hội Vương Đình Huệ hŏ wơt Groi kruanh gưl têh Tập đoàn Boeing nkre ƀư Kruanh mât uănh Boeing lam ntŭr neh Michael Arthur. Kruanh Quốc hội Vương Đình Huệ rnê âk ăp nău kan bah Boeing ta Việt Nam; nkoch đah n'gâng kan trong trôk lah nsum, lơn lah ăp nuĭh pă an tăch ndeh păr têh kơt Boeing hŏ geh tât khuch bah nuh srê Covid-19; nkre nsing nơm an lah, lôch rnôk mât kân dơi nuh srê, Boeing mbra geh nău dâk hao tay ngăch, lơn lah ta nkual Đông Nam Á, tâm nê geh Việt Nam.

Kruanh Quốc hội Vương Đình Huệ ŭch rŏng, Boeing pơk hvi nău dơi kan bah Văn phòng ntơh măt ta Việt Nam, rhơn rnê n'hanh ŭch tĭng trong nchrăp bah Boeing njêng ntŭk rgum gŭ mĭn hun hao n'hanh ntop kơl kỹ thuật ta Việt Nam gay an ƀư âk nău kan ntop kơl kơt ntĭm nti, kỹ thuật,  nkra ndeh păr; nsing nơm Việt Nam mbra lah ntŭk rgum kan gay Boeing ƀư ntŭk gŭ njêng jŏ jong./.

Nuĭh rblang: Điểu Thân