Ôi 6/12, jêh ƀư wơt tĭng nău way ƀư bah nuĭh ta ntŭk Maori, Kruanh Quốc hội Vương Đình Huệ lĕ rgum nchră đah Kruanh Quốc hội New Zealand Adrian Rurawhe. Kruanh Quốc hội Vương Đình Huệ mĭn lah rơh hăn khâl aơ bah Rmôt kan gay rgop ntrôl n’hanh ƀư jru lơn tay tâm boh kan ndrel jŏ jong Việt Nam-New Zealand.

Ta rgum nchră, 2 ding tâm ban ŭch mpeh nău an n’hao lơn tay kan ndrel wăng sa tăch rgâl-ntuh kơl, ndơ̆ nău kan aơ jêng soan ntrôl hun hao bah tâm boh 2 dak. 2 Kruanh Quốc hội uănh lah prêh tâm boh kan ndrel đah ngih pah kan ndâk njêng 2 dak, mĭn lah nău khlay, ngăn ngên bah kan ndrel nghị viện tâm nău n’hao tâm boh đah ăp dak. 2 ding tâm ban ŭch mĭn njêng du tâm ton kan ndrel đah 2 Quốc hội gay geh rpăi nsum pháp lý an 2 ding ntrôl n’hanh ƀư jru tâm boh kan ndrel tâm năm tât.