VOV4.M’nông: Kêng măng 22/3, ta ngih kan Quốc hội, Kruanh Quốc hội Vương Đình Huệ vơt wa Manuela Ferro, Groi Kruanh Ngân hàng lam ntur neh (WB) ƀư nau kan nkuăl Đông Á-Thái Bình Dương di rnôk geh rơh hăn kan ta Việt Nam ntơm lơ 17-24/3/2022. Kruanh Quốc hội Vương Đình Huệ lah rjăp, rnôk aơ Việt Nam dôl rgum tơm prăk ân nau kan hun hao. Quốc hội Việt Nam ŭch WB kơl an Việt Nam lŏ ndâk nau kan tơm prăk nsum ndrel rnon nsum tĭng trong nâp nâl lơn, rgum dơi geh tơm prăk thuk ndrel nơih ân nau hun hao văng sa. Aơ lah trong rƀŏng kơl an bah Việt Nam. Wa Manuela Ferro rnê ngăn nau blau ndrel nau nchrăp kan bah Quốc hội Việt Nam tâm nau ƀư nau tâm nchră văng sa ăp năm gay leo ăp nau kan, nau nchrăp luật gay ma ntrŭt dăng nau hun hao bah neh dak ndrel lah rjăp, WB mra đă ăp nŭih blau nau kan ƀư nau râng tâm nchră aơ, WB kơl an nau kan mêt uănh bah Quốc hội, ngăn lah nau mêt uănh tơm prăk nsum./.

Nŭih rblang: H’Thi