VOV4.Mnông-Kêng măng nar 20/1, ta ntŭk kan Quốc hội, kruanh Quốc hội Vương Đình Huệ vơt wa Mátrai, groi kruanh tal 1 Quốc hội Hungary dôl tât khâl n’hanh pah kan ta Việt Nam. Kruanh Quốc hội Vương Đình Huệ vơt rhơn wa groi kruanh tal 1 Quốc hội n’hanh mpôl pah kan tât khâl ta Việt Nam tâm ăp nar bôk năm mhe. n’hanh lah na nê̆, Quốc hội Việt Nam mbra mât kơl, ntrôl hun hao n’hanh uănh nđôi bôk nău kan Hungary lĕ ntêm an 500 rkeh EURO prăk ODA an du nău kan ta ăp ntrong kan an lor tâm ban đah bar dak tâm ban kơt 200 học bổng ăp năm an sinh viên Việt Nam tĭng nti ta ăp n’gâng kan wăng sa, kĩ thuật khlăy, nkre lah kơl nău kan geh ntŭk kan văn hóa Hungary ta Việt Nam, mĭn ŭch aơ mbra lah ntŭk geh âk sinh viên lĕ tă nti ta Hungary n’hanh nuĭh ƀon lan Việt Nam tât. Kruanh QH Vương Đình Huệ dăn đă, tâm let năp tay, bar ding mbra ký tâm ton tâm kơl đah bar Quốc hội an tŏng ăp n’hanh lĕ rngôch lơn.

Nuĭh rblang: Thị Đoắt