VOV4.M’nông-  Kêng măng nar 6/9, ta ntŭk kan Quốc hội, kruanh Quốc hội Vương Đình Huệ lĕ vơt Ủy viên BCH Trung ương Đảng nhân dân Campuchia (CPP), kruanh Thủ đô Phnôm Pênh wa Khuông Sơ reng, leo mpôl đại biểu gâl têh thủ đô Phnôm Pênh tât khâl n’hanh pah kan ta thủ đô Hà Nội.

Kruanh Quốc hội Vương Đình Huệ lah na nê̆, nău ntrŭnh dơn ngoăy bâh Đảng, ngih dak Việt Nam way uănh khlăy nău tâm boh kan “Bar dak dăch meng ueh, tâm rnglăp way ơm, tâm kơl lĕ rngôch, nâp nâl jŏ jong” đah Campuchia ta lĕ rngôch ăp nău kan Đảng, Chính phủ, Quốc hội.

Tâm rnôk năm 2022 dŭt geh nău khlăy lah năm tâm rnglăp Việt Nam-Campuchia, kahgĭt 55 năm nar njêng nău tâm boh kan nchră nău đah bar dak, kruanh Quốc hội dăn đă bar Thủ đô  an geh tâm mbơh dơn ngoăy tay n’hanh ntrôl ăp nău kan tâm nđur, ăp nău kan tâm kơl, tâm mbơh nău tă gĭt blău kan ta âk trong kan kơt lah wăng sa tăch rgâl, ntuh kơl, pâl nđaih, ŭch kruanh Thủ đô Phnôm Pênh mât uănh, nta nău dơh nơih an ăp doanh nghiệp, nuĭh ƀon lan Việt Nam dôl gŭ rêh, pah kan ta neh dak Campuchia.

Nuĭh rblang: Thị Đoắt