VOV4.M’nông- Vơt mpôl Ủy ban tăch rgâl lam ntur neh bâh Nghị viện Châu Âu yor wa Bernd Lange leo hăn khâl n’hanh pah kan ta Việt Nam, kruanh Quốc hội Vương Đình Huệ lah na nê̆, Quốc hội n’hanh ăp ntŭk kan têh bâh Việt Nam mbra tâm kơl đah rmôt kan ndrel âk dak châu Âu gay ma ntrôl ăp nuĭh kan ndrel êng bâh EU an lăp dŏng n’hanh mbơh tơih nău tâm ton tăch rgâl đăp mpăn đah Việt Nam (EVFTA)- EU .

kruanh Quốc hội Vương Đình Huệ an lah, rơh tât khâl bâh Ủy ban tăch rgâl lam ntur neh bâh Nghị viện châu âu geh ƀư tâm rnôk Việt Nam n’hanh EU geh nău tâm boh ueh ngăn ta lĕ rngôch ăp nău kan tơm khlăy chính trị, EU geh mât tay nău kan mât đăp mpăn ueh lăng, đăp mpăn rnă njrăng, đăp mpăn trong n’har bri n’hanh ka lơ trôk ta biển Đông, ƀư kloh ueh lơn ăp nău tâm boh kan bâh Việt Nam đah EU ndrel đah ăp dak kan ndrel ta ăp rơh tâm mâp âk ding, an geh n’hao tay lơn nău tâm kơl đah Eu n’hanh ASEAN, ngăn lah ntrôl nău kan bâh ASEAN ta Ấn Độ Dương n’hanh Thái Bình Dương.

Nuĭh rblang: Thị Đoắt