VOV4.M’nông: Ƀư bôk nau kan bah Đảng đoàn Quốc hội năm 2022, kêng măng 29/3, ta ngih kan Quốc hội, Bí thư Đảng đoàn Quốc hội, Kruanh Quốc hội Vương Đình Huệ hŏ ƀư tơm nar pah kan bah Đảng đoàn Quốc hội ndrel Rnâng kan n’gor uỷ Khánh Hoà. Tâm nar pah kan, Đảng đoàn Quốc hội hŏ djăt nau mbơh bah Rnâng kan n’gor uỷ Khánh Hoà mbơh tât ăp nau ntrŭnh ƀư nau ntrŭnh mrô 09 lơ 28/1 bah N’gâng kan Chính trị mpeh nau ndâk njêng, hun hao n’gor Khánh Hoà tât năm 2030, rƀŏng tât năm 2045 ndrel nau ƀư ăp nau ntrŭnh bah Quốc hội mpeh văng sa rêh jêng tâm n’gor Khánh Hoà, Nau ntrŭnh bah N’gâng kan chính trị nchrăp 10 nau kan, ntrong ƀư kan gay ndâk njêng n’gor Khánh Hoà tât năm 2030 lah nkuăl ƀon têh tam Trung ương tâm nau ƀư ân ueh nau dơi ndrel nau nâp dăng bah dak lêng, lah đô thị blau mhe, nâp nâl, geh âk nau ueh ndrel nthoi đah lam ntur neh, lah du nau7 kan hun hao, tơm khlay bah nkuăl duyên hải ndrel Nam Trung bộ, Tây Nguyên ndrel lam dak mpeh văng sa dak lêng. Tâm nar pah kan, ăp ntoh măt hŏ ntoh nau ngơi rgop ăp nau kan gay ƀư ntrŭt dăng nau hun hao bah n’gor Khánh Hoà, ngăn lah nau ndâk njêng nau kan kơl an gay ƀư nau kan, ntrong kan ndâk njêng, hun hao văng sa n’gor Khánh Hoà tât năm 2030, rƀŏng tât năm 2045./.

Nŭih rblang: H’Thi