Nthoi tay bôk nău kan ôp n’hanh ơh ta rơh rƀŭn tal 6, ôi nđaơ (7/11), đah nău ntĭm rđău bah Kruanh Quốc hội Vương Đình Huệ, Quốc hội ôp tay đah rmôt nău wăng sa nău kan. Ăp đại biểu tâm nchră tay, dăn đă ƀư kloh ăp trong mkra an 8 nău nchrăp ƀư BOT; đă mô yor nău ŭch ƀư trong cao tốc mô lah mô tŏng prăk ma ƀư khuch an nuĭh ƀon lan.

Rơh ôp ntoh lư đŏng đah ăp trong mkra nău dăp rgum n’gul gâl, nău nchrăp ƀư n’gul gâl n’hanh ăp rnoh an wăng sa kỹ thuật mpeh rgum, nchoăn rdêng n’hanh mkra ndŏk nja dŏng. Lôch đah nău ôp rmôt ntil nău wăng sa nău kan, Kruanh Quốc hội an gĭt tâm rơh ôp ôi lĕ geh 41 đại biểu lĕ dơi ôp n’hanh tâm rlăch. Hôm e 46 đại biểu dăn ôp n’hanh 2 đại biểu tâm rklăch, Kruanh Quốc hội đă ăp đại biểu njoăl ăp nău ôp n’hanh tâm rklăch tât ăp kruanh n’gâng kan, kruanh nău kan dơi ơh đah sam ƀŭt.