Ôi lơ 29/11, Kruanh Quốc hội Vương Đình Huệ ndrel rmôt kan gưl prêh Quốc hội dak nơm tă bah ndeh mpar Nội Bài, ntơm hăn khâl ngăn Australia. Rơh khâl ngăn Australia ntơm hăn khâl Australia mra ntrŭnh dăng nau tâm boh Quốc hội bah bar dak ndrel geh ăp nhoat hun hao mhe, pơk luh nau ueh, njêng nau mhe tâm nau tâm boh nar lơn ma ngăn, nâp tam đah bar dak tâm ăp ntrong, ăp nau kan, leo nsĭt nau dơi geh ngăn ân ƀon lan bar dak. Rơh rlau aơ, bah nau tâm boh bar dak hŏ hun ao ueh lăng, ngăn lah ntơm rnôk bar dak ndâk tâm boh nau kan tâm năm 2017.

Nau tâm boh chính trị nar lơn tâm dăch, tâm rnơm bah nau tâm nchră rgâl tĭng rmôt ndrel tâm mâp tâm ăp gưl ndrel ăp ntrong: Đảng, Quốc hội ndrel Chính phủ, tâm n’ur ƀon lan. Tâm boh tâm ăp nau kan văng sa, tăch rgâl, ntuh kơl geh nau hun hao ueh. Nau văng sa tăch rgâl bar ding hun hao âk bol ma geh nau khuch bah srê: năm 2021 geh 12,4 rmen đola, hao bơi tât 50% rđil năm 2020, Australia mro ân Việt Nam prăk ODA. Mhe aơ, Australia mbơh tơm prăk kơl an năm 2022-2023, tĭng nê, pă ODA ân Việt Nam jêng 92,8 rkeh AUD./.