VOV4.M’nông – Nar nđaơ (15/5), Kruanh Quốc hội Vương Đình Huệ n’hanh mpôl ntoh măt gưl prêh Quốc hội dak he lĕ tât tach ndeh păr Wattay, Thủ đô Viên Chăn, dak Cộng hòa dân chủ nhân dân Lào ntơm hăn khâl na nê̆ Lào.

Kruanh Quốc hội Vương Đình Huệ khâl na nê̆ Lào

Rơh hăn khâl bah Kruanh Quốc hội Vương Đình Huệ dơi ăp băl Lào uănh lah ngoăy tâm âk nău kan khlay ngăn tâm năm Tâm rnglăp dăch dêh Việt Nam-Lào, Lào-Việt Nam 2022; ntrôl dăng tâm boh kan ndrel đah Việt Nam gay rgop ƀư dơi Trong nchrăp hun hao wăng sa-rêh jêng 5 năm rơh tal 9 bah Lào; n’hao tâm rgop, ntop kơl ndrel tâm trong kan rdâng đah srê n’hanh rdâk hao, hun hao wăng sa, rêh jêng jêh srê; mĭn joi nău blău ơm pah kan bah Quốc hội Việt Nam. Jêh rnôk tât Lào, Kruanh Quốc hội Vương Đình Huệ mbra râng ntơm ƀư nău nchrăp kan Công viên hữu nghị Lào-Việt Nam; mâp nsum mpôl doanh nghiệp Việt Nam ntuh kơl ta Lào; khâl Đại sứ quán n’hanh mâp nsum mpôl nuĭh Việt Nam ta Lào.

Nuĭh rblang: Y Sưng Phê Ja