Ơm ôi rŭ nar aơ, 18/4, Kruanh Quốc hội Vương Đình Huệ ndrel mpôl ntơh măt gưl têh Quốc hội dak he hŏ tă bah thủ đô Hà Nội, ntơm hăn khâl ngăn dak Cộng hòa Cuba. Tâm bah ri aơ, tâm boh tâm rnglăp way ơm, tâm rnglăp mha êng Việt Nam - Cuba dơi ntrŭt ntrôl n’hanh n’hao dăng ta lĕ rngôch ăp trong tâm boh ngăn ngăn lơn.

Tâm ton tăch rgâl Việt Nam - Cuba geh nău tam ngăn ntơm bah khay 4/2020 đah âk nău ton rong dơh tăch rgâl mhe, nta trong soih an tăch n’gluh n’glăp  ndơ bar ding. Ta rnôk hăn khâl ngăn tât Cuba, Kruanh Quốc hội Vương Đình Huệ mbra geh rơh rgum nchră, ôp srĭng nău đah kruanh gưl têh bah Đảng, Ngih dak Cộng hòa Cuba; râng nău kan chính trị - njroh mprơ nkhêp geh nkah ndray 60 năm njêng Ủy ban Cuba tâm rnglăp đah miền Nam Việt Nam n’hanh sa nkra du đêt nar văn hóa khlay Việt Nam ta La Habana; khâl Đại sứ quán, mâp mpôl nuĭh Việt ta dak Cộng hòa Cuba.