Dơn nău jă bah Kruanh Quốc hội Iran, Kruanh Quốc hội Vương Đình Huệ leo Mpôl ntơh măt gưl têh Quốc hội Việt Nam khâl ngăn dak Cộng hòa Hồi giáo Iran ntơm bah nar 8-10/8. Iran n’hanh Việt Nam geh tâm boh tâm rnglăp uĕh lăng.

Mô dơn êng ăp nău kan bah Quốc hội, ma hăn khân ngăn Iran rơh dja bah Kruanh Quốc hội Vương Đình Huệ n’hanh Mpôl ntơh măt gưl têh Quốc hội dak he hôm geh nkô̆ khlay gay rdâk uĕh tâm boh tâm rnglăp n’hanh tâm boh wăng sa đah Iran tâm rơh mhe ta ăp trong kan chính trị - tâm boh, wăng sa, văn hóa, ntĭm nti, khoa học, công nghệ... Ta rơh hăn khâl ngăn dja, Kruanh Quốc hội Vương Đình Huệ n’hanh Mpôl ntơh măt gưl têh Quốc hội dak  he mbra geh ăp rơh tâm nchră, ôp srĭng nău, wơt kruanh rđău  kan gưl têh bah dak Cộng hòa Hồi giáo Iran; râng rgum nchră trong kơl, pháp luật ntrŭt ntrôl tâm boh wăng sa, tăch rgâl n’hanh ntuh kơl; Rgum nchră trong kan, pháp luật ntrŭt ntrôl tâm  boh wăng sa, tăch rgâl n’hanh ntuh kơl; Râng ntơm pơk pơh lễ Văn hóa Việt Nam ta Iran nkah ndray 50 năm njêng tâm boh./.