Nkhêp di nkah gĭt 69 năm nar Nai dak si Việt Nam, ôi 20/2, Kruanh Quốc hội Vương Đình Huệ lĕ khâl n’hanh pah kan ta N’gâng kan dak si. Kruanh Quốc hội djôt dơn, N’gâng kan dak si lĕ rgum tâm ôp tâm nchră an Chính phủ mbơh Quốc hội an Luật But uănh ji, săm ji (nkra rgâl). Aơ lah nău bôk nău, nău khlay geh nău ntrŭnh tât nău hun hao bah nău kan dak si, nta an trong pháp lý dơh, mbơh rah wah an ăp ntŭk but uănh, săm ji.

Nău aơ mĭn lah nău nsrôih bah lĕ Quốc hội n’hanh chính phủ tâm rnôk ndâk ƀư, lôch jêh n’hanh an Luật. Năm tât, Kruanh Quốc hội Vương Đình Huệ đă: Nău kan dak si mât uănh tay tŏng ăp nău ƀư, nkô̆ nău bah nău kan dak si, nău ntĭnh ntăn bah Wa Hồ, nuih n’hâm ăp Nghị quyết bah Đảng mpeh nău kan dak si. Nghị quyết mrô 20 mĭn lah ndâk njêng jêng y học Việt Nam khoa học, rnoi nuĭh n’hanh ƀon lan, đah nău rƀŏng têh lah n’hao săk soan n’ăp mpeh săk jăn, nuih n’hâm, n’hanh uĕh nâp nău rêh nuĭh ƀon lan.