VOV4.M'nông: Nkhêp geh 67 năm nar Nai dak si Việt Nam (27/2), kêng măng 25/2, Kruanh Quốc hội Vương Đình Huệ hŏ tât khâl Nhih dak si Hữu nghị Việt Đức. Lah ta aơ, Kruanh Quốc hội Vương Đình Huệ rnê ăp nău dơi ngăch prăl, nău dơi geh têh kuâng bah rmôt ăp nai dak si n'hanh nuĭh kan dak si lah nsum, Nhih dak si Việt Đức lah êng hŏ dơi geh tâm bah ri aơ nơh. Tĭng Kruanh Quốc hội Vương Đình Huệ, rlău ăp rơh nuh srê Covid-19, hŏ an saơ nău khlay bah lam trong kan dak si tâm dâng n'hanh rmôt nai dak si ta ăp ntŭk kan n'hanh pah kan dak si nchrăp lor. Kruanh Quốc hội Vương Đình Huệ mpŏng, đah nău way ơm n'gloh ang bah ăp rơh kơn nai dak si, Nhih dak si Hữu nghị Việt Đức đah nău dơi ntoh lư tâm pah kan but săm ji n'hanh gŭ mĭn khoa học mbra way lah tơm ndơ kơi ntop tay suan dăng, kơl n'gâng kan dak si dăng lơn, ƀư lĕ n'hâm suan lơn, gay rdâng lơh n'hanh lơh dơi nuh srê Covid-19 n'hanh mât chăm n'hâm suan ƀon lan./.  

Nuĭh rblang: Điểu Thân