VOV4.M'nông: Kêng măng 07/02, Kruanh Quốc hội Vương Đình Huệ hŏ tât khâl pah kan đah Tổng cục II, Bộ Quốc phòng. Gay Tổng cục tĭng ƀư geh nău dơi tay nău kan năm 2022 n'hanh ăp năm bah kơi nê, Kruanh Quốc hội Vương Đình Huệ đă, lam Tổng cục mbơh gĭt jru hvi, an ƀư năn ngăch, geh nău tam Nghị quyết, nău ntrŭnh, rgum tơm lah Nghị quyết mbrô 48 bah Bộ Chính trị n'hanh Nghị quyết mbrô 160 bah Thường vụ Quân ủy Trung ương “Mpeh rđău đă pah kan Tình báo Quốc phòng tŏng di đah nău ŭch geh, nău dơn kan tâm nô nău mhe", đah nău nsrôih dŭt âk, lôch jêh uĕh n'hanh ngăch prăl nău kan chính trị, đăp mpăn nău dơi năm 2022 ân rlău năm 2021.

 Tổng cục II ân rdâk njêng tay Tình báo Quốc phòng way lah mpôl kan nsing nơm mha êng, du nuih n'hâm tĭng đah Đảng, đah neh dak n'hanh ƀon lan; nâp dăng mpeh chính trị nău mĭn, lhăt mpeh nău way, glêh hơr, nâp dăng, kloh uĕh mpeh leo mât bôk kan, dăng mpeh săk geh, nău dơi tam âk, nchrăp dơn n'hanh ƀư lôch jêh ngăch prăl ăp nău dơn kan ma Đảng, Ngih dak, n'gâng kan tahen, ƀon lan jao an kan./.

Nuĭh rblang: Điểu Thân