Kêng măng 21/7, Ƀĭt joet Rƀŭn nchră râng rƀŭn mpeh trong kan ƀư rƀŭn nchră wăng sa-rêh jêng Việt Nam năm 2023, Kruanh quốc hội Vương Đình Huệ lah rjăp: Rƀŭn an tâm nchră trong mkra bôk năp n’hanh jŏ jong gay geh n’hâm soan mhe an hao jêng. Tĭng bôk nău rgop an tâm nchră, Rƀŭn wăng sa-rêh jêng Việt Nam năm 2023 geh bôk nău “Soih luh nuĭh kan, ndâk njêng nuih n’hâm mhe an hao jêng n’hanh hun hao nâp nâl”.

Kruanh Quốc hội Vương Đình Huệ an lah rƀŭn nchră an ƀư kloh tâm rnôk lam ntŭr neh, trong rgâl mhe-wăng sa n’hanh ntŭl rlong mhe đah tâm rnôk rdâk nkra tay, hun hao wăng sa n’hanh ntrŭt tât Việt Nam, rƀŭn nchră an uănh lah lĕ rngôch, di nău ngăn jâng wăng sa bah Neh dak tâm 6 khay bôk năm 2023. Geh tât bôk nău “Dôh rklaih ntŭk kol, soih luh nuĭh kan, ntop kơl jâng wăng sa doanh nghiệp rlet rlău jêr jŏt”, ta Rƀŭn nchră, ntŭl rlong gay “sŏk tay” jâng hao jêng, ƀư an n’gâng tơm tâm năm tât. Ăp đại biểu tâm ban ŭch đah Bôk nău “Đăp mpăn nău kan, đăp mpăn nău rêh jêng, rgop nta an ntrŭt hao jêng n’hanh hun hao nâp nâl” n’hanh đă n’hao gĭt blău nuĭh pah kan, lôch jêh nău kơl bảo hiểm xã hội, đăp mpăn nău kan, rƀŏng tât hao jêng uĕh nđĭr, hun hao nâp nâl.