Ôi nar 20/10, ta ntŭk kan Quốc hội lĕ geh ntơm pơk rơh rƀŭn nchră tal 4, Quốc hội khóa 15 đah nău leo kan bâh kruanh Quốc hội Vương Đình Huệ. Nchrăp tâm 21 nar pah kan, Quốc hội mbra uănh n’hêl, an tâm rgop n’hanh ntrŭnh âk nkô̆ nău khlăy geh tât nău wăng sa- rêh jêng n’hanh tơm prăk ngih dak, uănh n’hêl, mbơh tơih 7 nău nchrăp luật, 03 nău nchrăp nghị quyết geh nău ntrŭnh mpeh pháp luật, tâm nchră, an tâm rgop 07 nău nchrăp luật êng.

Ntoh ngơi ta rơh rƀŭn nchră, kruanh Quốc hội Vương Đình Huệ lah na nê̆, đah nău leo kan tâm di, ngăch ndăn bâh Đảng n’hanh ngih dak, nău kan tâm di răng dăng bâh Chính phủ, Thủ tướng chính phủ, nău tâm rnglăp, tâm rgop na nê̆ bâh ăp gâl kan, ăp n’gâng kan. Nău wăng sa neh dak tâm 9 khay năm 2022 dơi geh ăp nău dơi ueh, geh âk nău kan ntoh lư. Hun hao GDP 9 khay geh 8,83% dŭt âk kơp bâh năm 2011 tât aƀaơ, ăp nkual bâh n’gâng kan wăng sa lĕ geh nău ngăch hun hao n’hanh ndâk nsơm âk.

VOV Tây Nguyên/ Nuĭh rblang: Thị Đoắt