VOV4.M’nông-  Đah nău leo kan bâh Kruanh Quốc Hội Vương Đình Huệ, ôi nar 7/9, rơh rƀŭn nchră đại biểu Quốc hội way kan lĕ ntơm pơk gay ma tâm nchră, an tâm rgop ta 6 nău nchrăp kan luật, 01 nău nchrăp nghị quyết ndơ̆ an Quốc hội an dŏng ta rơh rƀŭn nchră tal 4 tay.

Ntoh ngơi ta rơh ntơm pơk, kruanh Quốc hội Vương Đình Huệ an gĭt, bâh bôk năm kan tât aƀaơ, Quốc hội khóa 15 lĕ leo ƀư dơi 4 rơh rƀŭn nchră, ntrŭnh 8 luật, an tâm rgop 7 nău nchrăp luật êng, ntrŭnh mbơh 62 nghị quyết đah nău dơn ntgoăy, tâm ban âk.

Rơh rƀŭn nchră tal 4 tât tay bâh Quốc hội geh âk nău kan lập pháp khlăy. Ăp nău nchrăp kan, nău nchrăp ƀư ndơ̆ mbơh an  Quốc hội lĕ geh Ủy ban rnâng kan Quốc hội, chính phủ ntĭm leo ƀư tâm nchră, sŏk nău tâm rgop bâh âk rơh, ta âk rơh rƀŭn nchră, tâm nchră mbơh ôp nău, Ủy ban rnâng kan Quốc hội lĕ tâm rgop nău na nê̆ mpeh ăp nău têh kuăng hôm nha geh âk nău êng êng ta rơh rƀŭn nchră bôk nău kan rdâk njêng pháp luật bôk năp bâh Ủy ban rnâng kan Quốc hội.

Nuĭh rblang: Thị Đoắt