Ntoh ngơi ta rơh rƀŭn nchră, kruanh Quốc hội Vương Đình Huệ lah na nê̆, aơ lah nău kan tâm nchră nău đah dak bah dih khlăy bâh Quốc hội lĕ geh n’gâng kan chính trị mbơh, kruanh Quốc hội đă ăp ntŭk kan geh tât an geh rgum ƀư ueh mô dơn an êng Quốc hội,  mpôl mom ma hôm nha geh mbơh tơih rup ueh bâh neh dak, kon nuĭh Việt Nam.

Kruanh Quốc hội nkah đă, tâm let năp tay nchrăp an rơh rƀŭn nchră mô hôm âk, an geh nchrăp na nê̆ n’hanh uănh nđôi na nê̆ ta ăp nău kan gay ma mât đăp mpăn leo ƀư dơi rơh rƀŭn nchră. Kruanh Quốc hội Vương Đình Huệ dăn đă, Ủy ban nchră nău đah dak bah dih bâh Quốc hội an geh mĭn uănh nău tă kan trong kan ueh tâm 8 tơ̆ geh ƀư rơh rƀŭn nchră ntơm nơh, nđâp ma nău kan, nău way kan bâh nău mbơh nsum, ƀư kloh bôk nău kan, nkô̆ nău bâh 4 rơh rƀŭn nchră, nchrăp ntơ săk bâh nău mbơh ta Hà Nội.