Ôi 17/4, ta Jay Quốc hội, Kruanh Quốc hội Vương Đình Huệ mâp măt mpôl ntơh măt bu ur nhà báo ntoh lư. Âk nău nchih báo chí bah ăp nuĭh Câu lạc bộ Nhà báo bu ur Việt Nam geh rnoh khlay, nchih nkoch  kloh n’hâm n’hôr nău rêh, rgop uĕh tâm rơh rgâl mhe, hun hao neh dak, âk nău nchih âk geh ndơ nkhôm rnê têh tâm ăp ndơ nkhôm rnê báo chí bah ăp n’gor, ăp n’gâng kan, ăp mpôl tahen n’hanh tâm rlong nkhôm rnê gưl neh dak.

Lah ta rơh mâp măt, Kruanh Quốc hội Vương Đình Huệ lah rjăp, Quốc hội ăp rơh dŭt uănh khlay nău  kan bah báo chí, lơn lah ăp nhih pah kan nuĭh ƀon lan sơch kan bah Trung ương tât n’gor geh nuĭh ntơh măt an ăp nhih pah kan báo chí. Tâm let năp tay, Kruanh Quốc hội dăn đă rmôt nuĭh ƀư báo dak he ân mbơh gĭt ăp tŏng, tâng jru lơn nău mĭn, báo chí lah ndơ dŏng sôt hơr, lah ndơ dŏng tơm khlay bah Đảng ta trong rlăch ndăng nău mĭn. Nkhêp geh rnôk dja, Kruanh Quốc hội ntrŭt ntrôl ăp nhà báo bu ur n’hanh Câu lạc bộ Nhà báo bu ur Việt Nam “mbro mbrăng druh năm 20 năm deh” kơt nuih n’hâm bah tahen ơm khĭt, Bác sĩ Đặng Thùy Trâm; way mât dơi “Nuih n’hâm kloh rsang, nuih n’hâm uĕh lŏng, mâng nchih sôt hơr” n’hanh lah “ăp mâng brônh loih.