Kêng măng 3/11, ta Ngih kan Quốc hội, Kruanh Quốc hội Vương Đình Huệ hŏ mâp măt rmôt kan ntoh măt rmôt kan tăch rgâl rnăk vâl ntoh lư. Ntoh nau tâm nar mâp măt, Kruanh Quốc hội Vương Đình Huệ mbơh, rnôk aơ dak he hŏ geh rmôt ƀư kan tăch rgâl âk rkeh nŭih; mât, rđau rlau 900 rbăn ntŭk kan, tâm nê geh 98% lah ntŭk ƀư nau kan êng. Kruanh Quốc hội Vương Đình Huệ mbơh, Đảng, Ngih dak nơm mro uănh khlay nau kan bah rmôt ntŭk kan tăch rgâl đah nau hun hao bah neh dak.

Kruanh Quốc hội lah rjăp, Nau ntrŭnh mrô 41 bah Bộ chính trị mpeh nau ndâk njêng ndrel ƀư ueh nau dơi bah rmôt kan tăch rgâl bah Việt Nam tâm rơh mhe hŏ ndŏ luh ăp nau mĭn, nau kan ndrel ntrong kan mhe, tâm dăch ma nau ŭch hun hao bah ntŭk kan tăch rgâl ndrel nau dơi geh bah neh dak. Ndri ma, hun hao ntŭk kan tăch rgâl bah rnoi mpôl, ŭch geh nau hun hao bah rmôt kan tăch rgâl bah Việt Nam geh nau blau, nau ueh tâm kan tăch rgâl geh tât nau leo nau ueh rnoi mpôl, geh nau dơi ngăn tâm nau rêh bah nau njêng, răk nau ueh, ƀư tĭng nau vay ơm tâm ăp rnăk vâl bah ntŭk kan tăch rgâl./.