Ta rơh mâp, ntoh măt Mpôl đại biểu Quốc hội nkual ƀon têh Hải Phòng lĕ mbơh ta năp nuĭh ƀon lan nkô̆ nău bah rơh rƀŭn tal 5, Quốc hội khóa 15 êp tât; nu nău hun hao wăng sa-rêh jêng; mbơh jêh rơh rƀŭn tal 4. Nuĭh ƀon lan Hải Phòng lĕ dăn đă âk nău geh tât lam dak nău rêh nuĭh ƀon lan đăp mpăn kơt njrăng n’gang sa khâm, mpŭng lir; ntrôl dăng pă an prăk ntuh kơl ngih dak n’hanh ăp ndơ ntop kơl, rdâk hao wăng sa; ntop kơl jêr jŏt an ăp doanh nghiệp; hun hao pâl nđaih,...

Ơh nău ôp bah nuĭh ƀon lan geh tât nău dôh rklaih an ăp doanh nghiệp mpeh trong ƀư, nău kơl ntop kơl doanh nghiệp đăp mpăn tâm rnôk aƀaơ hin, Kruanh Quốc hội Vương Đình Huệ lah rjăp: Chính phủ mbơh an Quốc hội rgop an tâm nchră tay mpeh n’hŭch soay rnoh khlay ndơ 2% kơt năm e. Nău n’hŭch, njong, ndruch soay, ndơ̆ prăk aƀaơ hin dôl ƀư. Jêng lah, n’ăp ăp nău mpeh bah năp măt n’hanh jŏ jong, mô ntrôl nău jêr jŏt an nuĭh ƀon lan, doanh nghiệp.