Ta nkuăl ƀon têh ơm yău Quảng Trị, kruanh Quốc hội Vương Đình Huệ ndrel đah mpôl pah kan kahgĭt , lah ueh nău kan têh khlăy bâh ăp tahen, ăp nuĭh lĕ khĭt ta rơh tâm lơh 81 nar măng khay 9/1972, tâm lơh n’hanh mât nkuăl têh Quảng Trị.

Ta rơh tâm lơh 81 nar măng dŭt hô nĕ, rbăn tahen rklaih đăp mpăn tahen ta lam dak n’hanh ƀon lan Quảng Trị lĕ tâm lơh têh dăng, khĭt ji ta nkual neh aơ. Kruanh Quốc hội Vương Đình Huệ ndrel đah mpôl pah kan lĕ mpoh su nhang, an kao si ta môch tâp tahen ngih dak Trường Sơn. Aơ lah ntŭk rlu nkre bâh ăp tahen lĕ khĭt ta lam dak, khĭt ta rơh tâm lơh rdâng đah Mỹ, kơl ngih dak. Dŭt âk lah ăp tahen sôt rmanh khĭt ji ta aơ ƀon tơm ta mpeh Bắc da dê. Kruanh Quốc hội ndrel đah mpôl pah kan lĕ mpoh su nhang, an kao si ta môch tâp tahen ngih dak trong 9, ntŭk gŭ rlu bâh ăp tahen khĭt lĕ tă tâm lơh tâm su, kơl tâm lơh ta mặt trận trong 9 n’hanh ta neh dak băl Lào tâm lĕ rơh tâm lơh rdâng đah Mỹ, run in neh dak.