Tâm Viện mĭn njêng Chính trị ndrel tâm boh lam ntur neh, N’gâng kan nchră nau Iran, Kruanh Quốc hội Vương Đình Huệ hŏ geh nau ntoh ngơi mpeh nau kan khlay bah năp ăp học giả, nŭih mĭn njêng ndrel rlau 40 ntoh măt bah Iran tă bah pah kan tâm ăp dak lam ntur neh. Ntoh nau bah năp học giả, nŭih mĭn njêng, Kruanh Quốc hội Vương Đình Huệ hŏ nkoch mbơh mpeh nau nkoch bah Việt Nam ndrel trong hăn. Kruanh Quốc hội lah rjăp 03 nau ntĭm nti tơm geh rhuăt tă bah Việt Nam, nê lah nau nsôih ƀư nau rđau kan bah Đảng, Chính phủ, Quốc hội Việt Nam đah nuih n’hâm sŏk ƀon lan ƀư tơm.

Lah rjăp, rƀŏng tât du nau rêh ueh lăng ndrel hun hao đah nau rƀŏng uănh 50 năm tât ân nau tâm boh đah 2 dak, Kruanh Quốc hội Vương Đình Huệ đă Việt Nam-Iran ndrel nsum ty ƀư nâp 4 nau nthoi, nê lah nau nthoi ntrong kan tâm nchră ndrel tâm boh. Tĭng Kruanh Quốc hội Vương Đình Huệ, nau rnơm chính trị lah nau tơm, lah nau gay tâm boh bar dak geh nau ueh, nau geh jêng lơn./.