Măng 9/6, ta Hà Nội, geh nar rƀŭn lôch ndrel pă nau nkhôm Giải báo chí lam dak mpeh Quốc hội ndrel Hội đồng nhân dân (moh săk Diên Hồng) tal bôk năp. Ntoh nau tâm nar pă nkhôm, Kruanh Quốc hội Vương Đình Huệ lah rjăp, ngoai tâm ăp nau bonh đă têh ngăn, rgop nau n’hao nau dơi, n’hâm dăng, nau rnơm bah Quốc hội ndrel Hội đồng nhân dân lôch âk năm rlau aơ lah nau rgop ăp ntil, nâp nâl, blau nau mhe bah nau kan báo chí dak nơm.

Báo chí dak nơm nar lơn ma ntoh nau dơn lah nŭih nkoch trêng âk nŭih, nŭih bonh đă âk nŭih, nŭih ƀư nau kan ma rmôt, nkre lah mpông nkoch geh âk nuih n’hâm ndrel nau kan đah neh dak. Aơ lah rơh bôk năp nau rlong geh ƀư, hŏ geh 171 ntŭk kan báo chí tâm ndrel ba dih dak, 7 ntŭk kan ntoh măt rmôt kan Quốc hội ndrel Hội đồng nhân dân, đah 3.328 nau nchih râng. Ăp nau tâm rlong geh nkra ueh, âk ntil mpeh nkô̆ nau, nau ueh tât nkô̆, âk ntil mpeh nau kan, nau ƀư ndrel ueh mhe mpeh nau ƀư báo./.