Ntoh ngơi ta nar pah kan, Kruanh Quốc hội Vương Đình Huệ uănh lah prêh nău Trung ương Đoàn săch bôk nău trong kan năm 2023 n’hanh bôk nău khay Druh ndăm hăn ndrel đah “rgâl mrô”. Aơ lah nău kan khlay, jăch, tâm di trong hăn nsum bah rơh mhe, ndơ̆ neh dak he rgum lăp jru hvi nău hun hao nsum bah lam ntŭr neh.

Mpeh trong kan Đoàn n’hanh ntrong leo druh ndăm rchong năm tât, Kruanh Quốc hội đă, Trung ương Đoàn TNCS Hồ Chí Minh an mĭn njêng tay, mât uănh jru lơn ăp nău mĭn êng nơm, nău mĭn khlay mpeh trong kan druh ndăm tâm Nghị quyết Đại hội 13 bah Đảng, gay kơp uănh tay, rgâl na nê̆ tĭng nău kan na nê̆ tâm di đah nău đă n’hanh nu nău ngăn. Nsrôih ndâk njêng tay ăp nău khlay n’hanh rup ndah druh ndăm tâm rnôk rgâl mhe “Nuih n’hâm kloh uĕh, bôk rngok di, nău ŭch têh”. Rmôt kan đoàn n’hanh druh ndăm an geh ăp nuĭh hăn leo lor rgâl mrô neh dak, wăng sa mrô.