Lơ 31/3, Kruanh Quốc hội Vương Đình Huệ geh nar pah kan đah N’gâng kan Văn hoá, Thể thao ndrel pâl n’aih. Kruanh Quốc hội đă, N’gâng kan Văn hoá, Thể thao ndrel Pâl n’aih ân geh ƀư rjăp nuih n’hâm rđau kan bah Tổng Bí thư tâm rơh rƀŭn lam dak, ơm rklaih nau kan hôm mbrơi mpeh ntrong kan, nau ntrŭnh bah Đảng, njêng Luật pháp ndrel ăp nau kan ngăn, geh nau dơi mpeh văn hoá, ndâk njêng kon nŭih. Ntrong kan pháp luật bah Việt Nam ân geh tâm di ma nau dơi bah nau kan văn hoá nghệ thuật, ƀư ueh ăp nau dơi tă bah Ngih dak ndrel nau rêh, ntơm tâm dak ndrel dak ba dih gay hun hao văn hoá.

Kruanh Quốc hội nkah, N’gâng kan văn hoá, Thể thao ndrel pâl n’aih nchrăp tâm nchră, đă ma Chính phủ, Quốc hội ăp nau kan ndal, nau tơm ân geh nau kan, ntrong rklaih êng gay ma kơl an, doh rklaih, hun hao ăp ntil, tâm ban tâm ăp nau kan văn hoá, nkre ƀư dơi ăp nau ueh bah rnoi mpôl, nkre ƀư rgum ăp nau ueh ơm bah rnoi nŭih. Lŏ rđau, ƀư ăp nau ntrŭnh ueh ngăn ăp nau kan mpeh văn hoá, thể thao ndrel pâl n’aih tâm ăp bôk nau kan bah neh dak hŏ geh tâm nê geh ƀon lan mhe, n’huch ach o nâp nâl./.