VOV4.M’nông: Kêng măng ¼, ta Ngih kan Quốc hội, Kruanh Quốc hội Vương Đình huệ ƀư tơm nar pah kan đah rđau kan n’gor uỷ Bến Tre. Rơh pah kan rgum djăt nau mbơh nau kan hun hao nau văng sa, rêh jêng bah n’gor Bến Tre năm 2021, djăt ăp nau rgop, nau đă bah n’gor mpeh nau kan ngăn, gay kơl an n’gor Bến Tre hun hao ytâm nau kan Thủ tướng Chính phủ Phạm Minh Chính mhe ân ƀư nau rgum hun hao nkuăl Đồng bằng Sông Cửu Long.

Ntoh nau tâm nar rƀŭn pah kan, Kruanh Quốc hội Vương Đình Huệ tâm ban đah nau đă bah n’gor Bến Tre mpeh nau ntrŭnh rlong ƀư nau kan in dak lêng tâm du đê̆ nkuăl dak lêng bah n’gor, Kruanh Quốc hội Vương Đình Huệ nkah, n’gor ân geh tâm rgop ngăn đah Kruanh n’gâng kan nchrăp kan ndrel ntuh kơl gay ma ƀư. Kruanh Quốc hội kơl an nau đă bah n’gor mpeh nau ơm ntuh kơl trong rgum njock trong ntung Rạch Miễu 2, đă n’gor tâm rgop nsum đah ăp n’gâng kan uănh tơm prăk, nchră mbơh nau ân Chính phủ, Quốc hội uănh, ntrŭnh nau pă tơm prăk ân nau kan./.

Nŭih rblang: H’Thi