Ta rơh pah kan, ndơn kan ăp Ủy ban bâh Quốc hội, ăp n’gâng kan geh tât rnê âk nău geh ma nkuăl ƀon têh Hà nội dơi geh tâm ba năp nơh. Lôch 15 năm pơk hvi nkual neh kan hành chính, nău rêh ta nkuăl ƀon têh geh âk nău rgâl mhe.

Hà Nội lĕ geh ăp nău geh khlăy tâm di ma kơp dơn, GRDP hao âk, nău geh tơm prăk bâh nkuăl ƀon têh rlet rlău âk đah nău nchrăp lor. Ntoh ngơi nglôch lôch rơh pah kan, kruanh Quốc hội Vương Đình Huệ an lah, nkuăl ƀon têh Hà nội lĕ nsrôih mbơh tơih ueh ăp nghị quyết bâh Đại hội đảng, nghị quyết bâh nkuăl ƀon têh, ăp nghị quyết bâh trung ương, Quốc hội, chính phủ n’hanh dơi geh ăp nău geh lĕ rngôch, khlăy. Tâm let năp tay, kruanh Quốc hội mbra dăn đă đah Hà nội an geh uănh nđôi tay ăp nău kan n’gul năm kan, gay ma dơi geh njoat hun hao ngăch, ueh mhe tay lơn, uănh nđôi nău dơi ƀư lôch ăp nău mpŏng kan hun hao wăng sa, rêh jêng tâm lĕ năm kan, ƀư ueh tay lơn nău ntuh kơl nsum, nsrôih mbơh tơih ăp nău nchrăp kan lĕ geh, ƀư kloh ueh nkô̆ nău ƀư an nău dơi lĕ rngôch bâh nkuăl ƀon têh hŭch đah nău geh nsum bâh lĕ dak.