VOV4.M’nông – Măng nđaơ (9/10), ta nkual ƀon têh Phổ Yên, n’gor Thái Nguyên lĕ ƀư mbơh Nghị quyết bah Ủy ban Thường vụ Quốc hội mpeh nău ndâk njêng ăp phường mpeh tâm nkual têh Phổ Yên n’hanh ndâk njêng nkual ƀon têh Phổ Yên, n’gor Thái Nguyên, n’gor Thái Nguyên; wơt dơn Huân chương Lao động hạng Nhất rơh tal 3.

Kruanh Quốc hội Vương Đình Huệ ntoh ngơi ta nar mbơh.

Ntoh ngơi ta nar mbơh, Kruanh Quốc hội Vương Đình Huệ mĭn lah nkual ƀon têh Phổ Yên mbra hun hao dăng tay, nar lơ ndrŏng uĕh, jêng nkual ƀon têh uĕh nđĭr, ngăch prăl, gĭt blău, rgâl mhe, rgum lăp, ndrel đah nkual ƀon têh Thái Nguyên, nkual ƀon têh Sông Công n’hanh ăp nkuăl bah n’gor, ndâk njêng n’gor Thái Nguyên jêng ngoăy tâm âk ntŭk wăng sa công nghiệp mhe, hao jêng bah nkual trung du, nkual yôk mpeh Bắc n’hanh nkual Thủ đô Hà Nội, tâm di nău nsing nơm n’hanh mpŏng kâp bah nuĭh ƀon lan.

VOV.VN/ Nuĭh rblang: Y Sưng Phê Ja