Kêng măng lơ 6/8, ta thủ đô Jakarta, kruanh Quốc hội Vương Đình Huệ n’hanh ăp nuĭh leo kan Quốc hội, Nghị viện ăp dak kan ndrel Hội đồng rmôt kan nghị viện ăp ngih dak Đông Nam Á (AIPA) lĕ râng rơh rƀŭn nchră Ban chấp hành AIPA.

Ta rơh rƀŭn nchră , kruanh Quốc hội Vương Đình Huệ n’hanh nuĭh leo kan Nghị viện ăp dak lĕ tâm nchră n’hanh mbơh an bôk nău pah kan bâh Đại hội đồng AIPA-44, nuĭh tât râng, bôk nău kan nghị sự mpôl bu ur rơh rbŭn nchră nghị sỹ AIPA, rơh rƀŭn nchră nghị sỹ mom AIPA-44; mông nar n’hanh ntŭk leo ƀư Đại hội đồng AIPA-45. Đah bôk nău tơm “Nghị viện leo kan tâm di yor du ASEAN đăp mpăn n’hanh têh kuăng”, Đại hội đồng AIPA-44 geh nău tâm rgop kan n’hanh tâm di đah bôk nău nsum bâh ASEAN năm aơ lah “Du ASEAN geh nău têh kuăng, nău klang bâh hun hao”, tâm nĕ n’hao nău dơi tâm di bâh ăp Nghị viện ASEAN tâm rnôk ta nkual n’hanh lam ntur neh geh âk nău rgâl mhe, lah na nê̆ nău tâm nchră n’hanh mbơh ôp nău, n’hao tâm rgop kan đah nău kan lập pháp, tâm rgop ndâk nsơm nău tâm rnglăp n’hanh nău kan ƀư tơm bâh ASEAN.