VOV4.M'nông: Dơn nău jă bah Kruanh Quốc hội Vương Đình Huệ, Kruanh Quốc hội Cộng hoà Mozambique leo mpôl ntơh măt Quốc hội Cộng hoà Mozambique khâl ngăn dak Cộng hoà xã hội chủ nghĩa Việt Nam ntơm bah nar 18-23/6. Lễ wơt ngăn Kruanh Quốc hội Cộng hoà Mozambique ƀư rgum ta Jay Quốc hội tâm ôi 20/6 đah nău ƀư tơm bah Kruanh Quốc hội Vương Đình Huệ. Lôch wơt hŏ ƀư tâm nchră đah Mpôl ntơh măt gưl têh Quốc hội bar dak.

Ta rgum nchră, Kruanh Quốc hội lah rjăp Việt Nam êng uănh khlay tâm boh, tâm rnglăp, way ơm đah Mozambique;  lah dak an lor tâm boh chính trị- tâm boh dak bah dih n'hanh tâm boh wăng sa ta châu Phi tâm rơh aƀaơ. Bar kruanh Quốc hội nsing nơm si ƀŭt nchih nkah mpeh tâm boh đah Quốc hội Việt Nam n'hanh Quốc hội Mozambique dơi ký ton ta rnôk hăn khâl ngăn dja mbra buăt nthoi bar Quốc hội dăch dêh nsum, jêng tâm boh ntĭt leo lor đah Quốc hội bar dak; aơ mbra lah ntŭk nsing tâm di khlay gay Quốc hội bar dak mô rlu rdâk tay n'hanh ntrŭt ntrôl tâm boh tâm let năp tay./.

Nuĭh rblang: Điểu Thân