Ta Ngih Quốc hội, Kruanh Quốc hội Vương Đình Huệ geh nar rgum nchră na nê̆ đah Kruanh Thượng viện Kđăch dak Bỉ Stéphanie D’Hose. 2 nuĭh Kruanh Quốc hội/Nghị viện uănh lah prêh âk săk rnglăy uĕh tâm boh kan ndrel wăng sa đah 2 dak năm bah năp. Kruanh Quốc hội Vương Đình an lah, nău geh kan ndrel đah 2 dak mpeh tăch rgâl-ntuh kơl hôm e dŭt âk.

Tâm nău ăp dak dôl hao trong ntuh kơl, 2 dak kan ndrel tay trong tâm pă manh aƀaơ n’hanh ndâk njêng ăp trong tâm pă manh mhe. Kruanh Quốc hội đă, Bỉ nta nơih an ndoh ndơ tăch n’gluh bah Việt Nam gĭt tât ntŭk tăch Bỉ n’hanh EU, ngăn lah ndơ tui ka, lŏ mir truyền thông bah Việt Nam kơt phe, cà phê... Lah rjăp, rgâl mrô n’hanh rgâl ŭnh nar lah 2 nău rgâl geh trong lam ntŭr neh n’hanh Bỉ lah dak dŭt hun hao tâm 2 nău kan aơ, Kruanh Quốc hội Vương Đình Huệ mpŏng nghị viện Bỉ nkoch nău blău ơm ndâk njêng trong kan đah Quốc hội Việt Nam.