VOV4.M’nông: Di rnôk wa Álvaro Elizarde geh săch ƀư Kruanh Thượng voện ndrel wa Raul Soto Mardones geh ƀư Kruanh Hạ viện dak Cộng hoà Chile, ntoh măt Quốc hội dak Việt Nam, Kruanh Quốc hội Vương Đình Huệ hŏ njoăl săm ƀŭt rhơn. Tâm n’ha săm ƀŭt wa Álvaro Elizarde, Kruanh Thượng viện Cộng hoà Chile ndrel wa Raul Sôt Mardones, Kruanh Hạ viện dak Cộng hoà Chile, Kruanh Quốc hội Vương Đình Huệ ntoh nau rhơn ndơn saơ nau tâm boh kan nsum ăp ding Việt Nam ndrel Chile dôl hun hao ueh, bar dak mhe kí nau nkah 50 năm nau ndâk tâm boh nchră nau. Tâm rơh tât, Kruanh Quốc hội Vương Đình Hụê ŭch, nau tâm rgop đah nghị việ Chile gay ntrŭt dăng nau tâm boh đah Ngih dak, Quốc hội ndrel ƀon lan bar dak Việt Nam-Chile nar lơn lăp tâm jru, ngăn, săk tam, yor nau geh dưi nsum bah ƀon lan bar dak, yor nau đăp mpăn, tâm boh, hun hao tâm nkuăl ndrel lam ntur neh./.

Nŭih rblang: H’Thi