VOV4.M’nông- ƀư tĭng bôk nău kan rơh rƀŭn nchră, nar 29/9, kruanh Quốc hội Vương Đình Huệ n’hanh mpôl đại biểu Quốc hội nkuăl ƀon têh Hải Phòng lĕ tâm mâp ƀon lan ta nkuăl Thủy Nguyên, nkuăl ƀon têh Hải Phòng ta năp rơh rƀŭn nchră tal 4, Quốc hội khóa 15.

Ta rơh tâm mâp, ăp ƀon lan bâh nkuăl Thủy Nguyên, nkuăl ƀon têh Hải Phòng mpơl nău knơm, rhơn ta năp nău dơi geh hun hao bâh neh dak, ta nău leo kan bâh Đảng, Quốc hội, Chính phủ ê lor geh nău jêr jŏt bâh nuh srê Covid-19 yơn lĕ leo kan, ntĭm đă neh dak dơi geh ăp nău tâm di ma kơp dơn. Quốc hội lĕ geh ăp nău ntrŭnh ngăch ndăn, tâm di gay ma doh rklaih ăp nău jêr jŏt bâh nuĭh ƀon lan n’hanh doanh nghiệp. Ơh nău ôp bâh ƀon lan mpeh trong kan y tế, tâm nĕ dăn đă Quốc hội geh trong kan uănh năl rnoh dak si, mât đăp mpăn pă tŏng dak si uănh săm ji, kruanh Quốc hội Vương Đình Huệ an lah, tâm ba năp nơh, geh âk nkô̆ nău jêng tât nău aơ. Quốc hội, chính phủ dôl ntĭm đă leo kan tĭng di trong an geh mât đăp mpăn rnoh pă an, tâm di ueh n’hanh rnoh khlăy bâh dak si săm ji.

VOV/Nuĭh rblang: Thị Đoắt