Ntoh ngơi ta aơ, kruanh QH Vương Đình Huệ rnê âk, Kiểm toán ngih dak lĕ geh ƀư ueh ăp nău dơi kan, nău kan geh pă jao tĭng nău nchrăp n’hanh nău nrŭnh bâh pháp luật. ƀư tĭng, kơl an na nê̆ nău kan, nău dơi bâh Quốc hội, ngăn lah nău kan uănh nđôi ăp bôk nău kan gâl têh bâh Quốc hội.

Năm 2024, nău kan geh ngluh mbơh an ăp gâl, ăp n’gâng kan dŭt jâk, yor nĕ, kruanh QH đă rnâng kan cán sự Đảng ủy n’hanh ntŭk kan leo kan n’gâng kan kiểm toán geh ndâk nsơm tay tâm lĕ n’gâng kan, nău nsrôih tâm rlong njêng nău dơi kahgĭt 30 năm nar njêng n’gâng kan. Kiểm toán Ngih dak ƀư tĭng na nê̆ nău kan bâh Quốc hội. Ủy ban rnâng kan Quốc hội gay ma kơl ăp nar lơ ma ueh tơm khlăy an QH tâm trong rdâk njêng pháp luật, ƀư tĭng na nê̆ nău kan gâl têh n’hanh ntrŭnh ăp nău khlăy bâh ngih dak. Ngăn lah ta trong rdâk njêng pháp luật, gay ma ƀư tĭng ndâk nsơm ăp nău mô hŏ ƀư, mô dơi, vĭ wĕ tâm rnôk pah kan.