Ntoh ngơi ta rơh tâm mâp măt, kruanh Quốc hội Vương Đình Huệ rhơn n’hanh rnê ăp đại biểu Quốc hội, ăp ntŭk kan bâh Quốc hội, ăp ntŭk kan bâh Ủy ban rnâng kan Quốc hội, cán bộ công chức viên chức, nuĭh pah kan bâh ntŭk kan Quốc hội lĕ kan dŭt jăp, dŭt nsrôih, mĭn kan mhe jêng ăp nău dơi ntoh lư bâh năm 2023.

Lah na nê̆, năm 2024 lah du năm dŭt khlăy, lah năm ăp n’gâng kan, ăp ntŭk kan, ăp n’gâng kan an geh n’hao ngăch gay ma sĭt tât  nău mpŏng mpeh wăng sa- rêh jêng bâh le năm kan, kruanh Quốc hội an lah, Quốc hội mbra geh ƀư n’hao ryơk mpeh ăp nău dơi lĕ geh tâm năm 2023, yơn mô dơi an mô mât njrăng. Nău nchrăp, rnoh nău kan bâh năm aơ dŭt âk, rlău ma ăp nău kan ƀư ƀa ƀơ tâm nău kan lập pháp, uănh nđôi gâl têh, ntrŭnh mbơh tơih ăp nău khlăy bâh ngih dak n’hanh ăp nău kan êng, ntŭk kan quốc hội hôm nha nsrôih nchrăp gay ma mpŏng tât kahgĭt 80 năm nar săch kruanh lĕ rngôch săch Quốc hội bôk năp.