Ôi 4/8, Kruanh Quốc hội Vương Đình Huệ hŏ tât Jakarta, ntơm hăn khâl ngăn Indonesia ndrel râng Đại hội đồng Liên nghị viện ăp dak Đông Nam Á tal 44 (AIPA-44). Vơt Kruanh Quốc hội Vương Đình Huệ ndrel rmôt kan ntoh măt gưl prêh bah Quốc hội Việt Nam tâm tach ndeh mpar geh Ntoh măt bah Việt Nam tâm Indonesia ndrel ntoh măt nsum mpôl nŭih Việt Nam ta Jakarta. Jêh rnôk vơt, Kruanh Quốc hội Vương Đình Huệ hŏ tâm nchră ma Kruanh Hạ viện Indonesia, wa Poan Maharani.

Kruanh Hạ viện Indonesia rnê rơh khâl ngăn Indonesia rơh bôk năp bah Kruanh Quốc hội Vương Đình Huệ ndrel lah rơh khâl bah Kruanh Quốc hội Việt Nam jêh 13 năm. Bar rđau kan tâm ban mpeh nau kan tâm boh bar ding tâm rơh tât, lŏ ntrŭt dăng nau tâm nchră rmôt kan, tâm mâp gưl prêh ndrel ăp ding bah trong Đảng, Ngih dak, tâm boh Nghị viện, tâm boh đah ăp nkuăl ndrel tâm n’ur ƀon lan, di nkah 10 năm nau tâm boh kan nsum ndrel rƀŏng tât nkah 70 năm tâm boh nchră nau năm 2025./.