VOV4.M’nông: Ôi 16/5, ta Ngih kan Quốc hội Lào, Kruanh Quốc hội Lào Xay-xổm-phon Phôm-vi-hản hŏ ƀư nau vơt Kruanh Quốc hội Vương Đình Huệ. Jêh nar vơt 2 Kruanh Quốc hội hŏ tâm nchră. Bar Kruanh Quốc hội lah rjăp, bah năp nau jêr rnôk aơ tâm nau kan bah lam ntur neh ndrel nkuăl, bar ding lơn saơ kloh nau khlay bah nau mât ndrel bun dăp nau tâm boh tâm dăch, ueh lăng đah nau đăp mpăn ndrel hun hao bah Việt Nam, uănh aơ lah nau dơi gay hun hao, geh nau dơi rêh jêng ndrel lah ngoai tâm ăp nau dơi geh ntrŭnh nau đăp mpăn nau dơi bah cách mạng ăp dak. Mpeh nau tâm boh tâm rơh tât, bar ding tâm ban nau tâm nchră bah rmôt, tâm mâp đah rđau kan Quốc hội ndrel đah Uỷ ban bah Quốc hội bar dak, rmôt nŭih kan Quốc hội, rmôt ntoh măt rmôt bu ur, rmôt ntoh măt mom, đah ăp rmôt kan ntoh măt Quốc hội ndrel Hội đồng nhân dân gưl n’gor bah bar dak, tâm rgop ƀư ăp rơh rƀŭn, tâm nchră nkoch mbơh nau tă blau nau kan tâm ăp nau kan bah Quốc hội./.

Nŭih rblang: H’Thi