Ndơn nau jă bah Kruanh Quốc hội Vương Đình Huệ, Kruanh Thượng viện Pháp Gerard Larcher khâl ngăn Việt Nam ntơm lơ 8-9/12. Jêh rnôk vơt, Kruanh Quốc hội Vương Đình Huệ hŏ tâm nchră đah Kruanh Thượng viện Pháp. Rơh khâl ngăn aơ lah nau nkah gay ma bar ding ƀư jru nâp lơn tay, ăp ntil ndrel săk tam lơn tay nau tâm boh bah bar dak.

Tâm rơh tâm nchră, bar rđau kan ndrel ân lah, tâm rnôk dôl geh kơt aơ, bar ding mra dơi hun hao lơn tay tâm ăp nau kan kơt lah hun hao nâp nâl, ŭnh nar, dak si, ăp nau mĭn njêng, tâm nkoch mbơh ăp nau tă dơi blau tâm nau ka ndâk njêng pháp luật. Kruanh Quốc hội đă bar ding ntrŭt dăng nau tâm boh neh dak, rnă njrăng, ntrŭnh ƀư ân rjăp lơn tay ăp nau tă dơi geh bah nau tâm boh bah ăp ntŭk kan hŏ ký, lŏ ntrŭt dăng dŏng ăp nkô̆ nau, nau kan mhe kơt lah nau tâm boh tâm nchră ndrel mât nau mpôn kan, mĭn njêng nau ji nhiệt đới...

Jêh rnôk tâm nchră, Kruanh Quốc hội Vương Đình Huệ ndrel Kruanh Thượng viện Gerard Larcher hŏ ndrel ntơm ƀư tơm ăp nau kan di rnôk nkah 50 năm nar ndâk nau tâm boh nchră nau./.