Tâm rnôk hăn khâl ngăn Indonesia, kêng măng 7/8, Kruanh Quốc hội Vương Đình Huệ hŏ geh nar tâm nchră đah Tổng thống Indonesia Joko Widodo. Kruanh Quốc hội Vương Đình Huệ lah rjăp Việt Nam dŭt n’hâm uănh khlay nau tâm boh kan nsum đah Indonesia; mbơh đah Tổng thống Widodo nau tă geh bah rơh khâl Indonesia ndrel râng Đại hội đồng AIPA-44, mbơh Quốc hội bar dak hŏ kí nau tâm boh gay ntrŭt dăng lơi tay nau tâm boh nghị viện.

Gop ngăn tâm nau n’hao tâm boh bar dak, ŭch n’hao lơn tay nau tâm boh hao du nhoat mhe. Tổng thống Indonesia tâm ban nau ma Kruanh Quốc hội mpeh nau kan bar dak n’hao nau mât nau pă tăch dôl geh, n’hao tâm boh tâm nau kan tăch rgâl tui ka, dak lêng ndrel ăp nau kan mhe kơt ntrơn rgâl mrô, ntrơn rgâl ŭnh nar tâm ban./.