Ta rơh tâm mâp, kruanh Qh Vương Đình Huệ njoăl tât đồng chí Manuel Marrero Crus nău ôp khâl n’hanh njoăl ăp nău rêh ueh bâh Quốc hội n’hjanh ƀon lan Việt Nam, lah na nê̆ Đảng, ngih dak, chính phủ, Quốc hội n’hanh ƀon lan Việt Nam way hăn ndrel kơl an nău kan chính mạng bâh ƀon lan Cuba oh nô.

Kruanh Quốc hội tâm kơl đah Thủ tướng Cuba mpeh nău rgâl mhe n’hanh ăp nău pah kan bâh Quốc hội dăch aơ, tâm rgop ta nău hun hao wăng sa rêh jêng, lăp kan ndrel ta lam ntur neh bâh Việt Nam. Nău mbơh tơih mpeh ăp hun hao ta nău tâm boh kan đah Quốc hội bar dak. Tâm let năp tay, kruanh Quốc hội Vương Đình Huệ lah na nê̆ Quốc hội Việt Nam mbra geh tâm kơl tay na nê̆ đah Quốc hội Cuba gay ma nta nău dơh nơih an ăp doanh nghiệp 2 dak n’hao nău tâm boh kan wăng sa, tăch rgâl, ntuh kơl an hun hao tâm di đah nău tâm boh kan chính trị ueh bar dak, di đah nău ntĭm đă n’hanh ŭch bâh ăp đồng chí leo kan gâl têh 2 dak.