Ta rơh tâm nchră, kruanh Quốc hội Vương Đình Huệ dăn đă Trung Quốc mât uănh, pơk hvi rvăt nglăp drăp ndơ, ngăn lah bum mbo geh nău dơi bâh Việt Nam. Nta nău dơih nơih an drăp ndơ Việt Nam hăn let dak tal 3 bâh trong loih Á- Âu; ntrôl ơm geh ăp nău nchrăp kan ntuh kơl têh kuăng, geh nău dơi ueh, ntoh lư an trong kan hun hao bâh Trung Quốc ta Việt Nam, n’hao nău tâm rgop mpeh trong hăn gay ma kơl an nău hăn nsong, tâm nđur bâh ƀon lan 2 dak.

Ủy viên kruanh Quốc hội Trung Quốc Triệu Lạc Tế dăn đă bar ding n’hao nău tâm nđur tâm mbơh nău kan bêh Đảng, ngăn lah tâm mbơh nău kan đah nuĭh kan gâl têh gay ma nchrăp trong kan an nău tâm boh bar Đảng, bar dak, nsrôih ntrôl ăp nău kan mpeh ntuh kơl, lah na nê̆ Trung Quốc mbra nta nău dơh nơih gay ma ndơ tuch tăm bâh Việt Nam geh tăch âk an Trung Quốc.