Kêng măng lơ 18/4, tĭng mông ta ntŭk, kruanh Quốc hội Vương Đình Huệ n’hanh mpôl đại biểu gâl têh Quốc hội dak he lĕ tât ta tach ndeh păr Jose Marti, thủ đô Lahabana ntơm tât khâl dak Cộng hòa Cuba tĭng nău jă bâh đồng chí Étxteban Lazo Hecnanđet (Esteban Lazo Hernandez),kruanh Quốc hội n’gâng kan ƀon lan, kruanh Hội đồng ngih dak Cuba.

Rơh tât khâl dak Cuba bâh kruanh Quốc hội Vương Đình Huệ gay ma ntrôl nău tâm boh tâm rnglăp kan mbơh tơih dơn ngoăy, tâm kơl na nê̆ đah 2 dak ta âk trong kan kơt lah tâm boh kan chính trị nchră nău đah dak bah dih, tâm kơl mât rnă njrăng- đăp mpăn ngih dak, tâm kơl wăng sa, tăch rgâl, ntuh kơl, tâm kơl tuch tăm, tâm kơl dak si. Tâm nău tâm kơl đah bar quốc hội bar dak, đah 2 rmôt nghị sĩ tâm rnglăp nghị sỹ, n’hao tay nău kan ntŭk kan lập pháp 2 dak ta trong ntrôl tâm boh kan 2 ding, tâm rgop kan ta ăp rơh tâm mâp lam ntur neh âk ding.