VOV4.Mnông- Ôi nar 8-2, kruanh Quốc hội Vương Đình Huệ tât khâl, rhơn Tết tại Tập đoàn Dệt may Việt Nam (Vinatex). Ndơn kan an nuĭh leo kan Đảng, ngih dak, Quốc hội, Ủy ban rnâng kan Quốc hội Vương Đình Huệ dŭt rhơn nău geh dơi âk, ueh têh ma n’gâng kan dệt may lĕ dơi geh tâm năm 2021.

Tâm let năp tay, kruanh Quốc hội Vương Đình Huệ dăn đă, Vinatex an geh rhoăt luh ăp nău tă blău kan khlăy, geh gĭt nău mhe, tĭng trong mhe tâm nău rgâl pă tâm di nău ŭch dŏng tâm ngih dak tâm ban kơt pă nău ŭch dŏng ta lam ntur neh; rlău ma ntŭk tăch rgâl an dak bah dih, tập đoàn an geh uănh khlăy lơn tât ntŭk tăch rgâl tâm dak nơm đah bơi tât 100 rkeh ƀon lan. Kruanh Quốc hội Vương Đình Huệ ŭch, Vinatex an geh ndâk nsơm, rdâk njêng nău tam boh pah kan ueh, đăp mpăn, gĭt blău tâm doanh nghiệp. N’hao nău pah kan rdâk njêng Đảng bộ kloh ueh, đăp, nâp nâl, n’hao nău dơi leo kan tâm công đoàn tâm nău rgum, tâm rnglăp rdâk njêng mpôl kan nuĭh kan Việt Nam ueh mhe, têh dăng, mpôl kan hăn lor tâm nău ƀư tĭng trong kan hun hao ngăch n’hanh nâp nâl.

Nuĭh rblang: Thị Đoắt