VOV4.M'nông: Tâm rnôk hăn khâl ngăn dak Cộng hoà Dân chủ Nhân dân Lào, ôi 16/5, ta thủ đô Viêng-chăn, Kruanh Quốc hội Vương Đình Huệ hŏ tât khâl nkoch bri dơm đah wa Thongloun Sisoulith, Tổng Bí thư Ban Chấp hành Trung ương Đảng Nhân dân Cách mạng Lào, Kruanh dak Cộng hoà Dân chủ Nhân dân Lào.

 Kruanh Quốc hội Vương Đình Huệ nsing nơm ƀon lan Lào oh nô mbra rlău dơi ăp ntul rlong, tĭng ƀư geh nău dơi Nghị quyết Đại hội Đảng lam dak tâl XI n'hanh Trong nchrăp hun hao wăng sa- rêh jêng kon nuĭh 5 năm tâl IX, an ƀư geh nău dơi ăp trong nkra pơk  mpông, dâk hao tay wăng sa, đăp mpăn wăng sa-prăk kaih têh, nta joi nău kan, rdâk njêng tay neh dak Lào đăp mpăn, dơn ngoăy, têh ndrŏng tĭng rnoh tât xã hội chủ nghĩa. Bar kruanh rđău kan lah rjăp tâm let năp tay, bar ding ân mât uĕh nău way ơm tâm boh krêp dêh, nsing nơm; ndrel an ƀư jăp ăp nău tâm ton gưl têh; nsrôih n'hao dăng lơn đŏng tâm boh bar ding ta lĕ rngôch ăp trong kan, yor ma nău geh ngăn ngăn bah ƀon lan bar dak./.

 Nuĭh rblang: Điểu Thân