Kêng măng 20/6, Kruanh Quốc hội Vương Đình Huệ vơt Chánh án Ngih phat dôih Liên bang Nga Lebedev Vyachelav Mikhailovich dôl khâl ndrel pah kan ta Việt Nam. Kruanh Quốc hội lah rjăp, Việt Nam mro uănh nau n’hao, pơk hvi nau tâm boh ma Liên bang Nga lah ngoai tâm ăp nau kơl an bôk năp tâm nau kan tâm nchră đah dak ba dih. Việt Nam mro nkah nau kơl an têh, khlay, ueh nau tâm boh bah Liên Xô, jêh aơ lah Liên bang Nga tâm nau kan tâm lơh rklaih neh dak bah năp aơ kŏ kơt lah tâm nau kan ndâk njêng ndrel mât neh dak rnôk aơ.

Quốc hội Việt Nam mro kơl an Ngih phat dôih ƀon lan gưl prêh Việt Nam ndrel Ngih phat dôih gưl prêh Liên bang Nga kŏ kơt lah ăp ntŭk kan tư pháp bah bar dak nar lơn ma tâm rnglăp, tâm boh nsum rjăp lơn. Chánh án Lebedev Vyachelav Mikhailovich rnơm lah, rơh khâl rnôk aơ mra rgop nau ƀư pơk hvi lơn tay nau tâm boh đah Ngih phat dôih ƀon lan gưl prêh Việt Nam, nau kan tâm nchră rmôt kan ăp gưl mra lŏ geh bar dak ntrŭt dăng tâm rơh tât, nkre nau kan tâm n’ur ƀon lan kŏ geh hun hao tay./.